Bee Wilson (Oxford, Erresuma Batua, 1974) kritikari, idazle eta historialari gastronomikoa da. Bere azken liburuaren izenburua First Bite: How We Learn to Eat da (gaztelaniaz: El primer bocado: cómo aprendemos a comer), eta André Simon Food and Drink Awards sari berezia jaso zuen. Wilsonen testuak Erresuma Batuko izen handiko komunikabideetan argitaratu dira (The Guardian, The Sunday Times eta The Times Literary Supplement, besteak beste). Gainera, The New Yorker aldizkariarekin elkarlanean aritzen da, «Page Turner» blogaren bidez. Erresuma batuan janariaren kulturaren eta historiaren inguruko urteko konferentzia bateko zuzendaritza-batzordeko kide da: Oxford Symposium on Food & Cookery. Bost liburu idatzi ditu, tartean Consider the Fork: A History of How We Cook and Eat (gaztelaniaz: La importancia del tenedor: historias, inventos y artilugios de la cocina).
